Дүниені иттерсіз елестетуге тырысу керек...

Дүниені иттерсіз елестетуге тырысу керек...
(М.Хайдеггер)

Бұл сүрлеуді өзім сүйдім өкінбен,
Араздығым болған да емес ешкіммен.
Өлең жазу өртке орану
Білсем де...
Өз отыма түстім мен.

Ғафу қылғай, кешіріңдер ұлдарым,
Атақ-мансап күтпе әкеңнен дер едім.
Сендер үшін болмас қорған білемін
Менің әлсіз,
тым әлжуаз беделім.

Бұған енді не дерің бар құлыным,
Ақиқатқа шекер себу арға сын.
Мен өзімді...
қылдым рас «бақытсыз»,
Ағалардың ақылы аздау болғасын.